Google ADS

Brenda një jave, policia në Ferizaj shqiptoi afro 1400 gjoba dhe konfiskoi 12 patentë shofer

10:03 | 4 Nëntor 2024
E.H

Policia e rajonit të Ferizajt njofton brenda një jave ka shqiptuar 1 mijë e 387 gjoba kundërvajtëse dhe ka konfiskuar 12 patentë shofer.

“Në kuadër të këtyre aktiviteteve policia rajonale e Ferizajt gjatë javës që shkoi, nga data 28/10 – 03/11/2024 ka shqiptuar 1387 gjoba kundërvajtëse dhe ka hequr 12 patentë shoferë për drejtuesit që kanë shkaktuar kundërvajtje më të rënda në komunikacion”, thuhet në njoftimin për media.

Ndërsa, janë raportuar 29 aksidente, prej tyre 13 aksidente janë me lëndime, 22 persona të lënduar dhe 16 me dëme materiale.

Policia Rajonale e Ferizajt bënë të ditur se do të vazhdojë me aktivitete të shtuara, me synim parandalimin e aksidenteve në komunikacionin rrugor dhe apelojmë tek shoferët që të bëjnë kujdes në komunikacionin rrugor./Arbresh.info

Shpërndaje në rrjete sociale

Lajmet më të lexuara

Të ngjashme

Foto lajm